ශ්‍රී ලංකාව සහ අයර්ලන්තය අතර පැවැති පළමු ටෙස්ට් තරගයෙන් ඉනිමක සහ ලකුණු 280ක ජයක් වාර්තා කිරීමට ශ්‍රී ලංකාව සමත්විය.
දෙරට අතර මෙම ටෙස්ට් තරගය ගාල්ල ජාත්‍යන්තර ක්‍රිකට් ක්‍රීඩාංගණයේදී පැවැත්වුණි.
කාසියේ වාසිය දිනා පළමුව පන්දුවට පහරදුන් ශ්‍රී ලංකා කණ්ඩායම කඩුලු 6ක් දැවී ලකුණු 591ක් රැස් කළේය.
ශ්‍රී ලංකා කණ්ඩායම වෙනුවෙන් නායක දිමුත් කරුණාරත්න (179), කුසල් මෙන්ඩිස් (140), දිනේෂ් චන්දිමාල් (නොදැවී 102) සහ සදීර සමරවික්‍රම (නොදැවී 104) ශතක රැස්කර ගැනීමට සමත් වූහ.
අයර්ලන්ත කණ්ඩායම සිය පළමු ඉනිම සඳහා රැස් කළේ ලකුණු 143ක් පමණි.
එහිදී දඟපන්දු යවන ක්‍රීඩක ප්‍රභාත් ජයසූරිය ලකුණු 52කට කඩුලු 07ක් දවා ගත්තේය.
ඉනිමක පරාජයෙන් බේරීම සඳහා නැවතත් පිටියට පිවිසි අයර්ලන්ත කණ්ඩායම තෙවැනි දිනයේ තේ පානයෙන් මද වේලාවකට පසු ලකුණු 168කට සියලුදෙනා දැවී ගියේය.
හැරී ටෙක්ටර් ලකුණු 42යි.
පන්දු යැවීමේදී රමේෂ් මෙන්ඩිස් ලකුණු 76කට කඩුලු 04ක් දවාගත් අතර ප්‍රභාත් ජයසූරිය ලකුණු 56කට කඩුලු 03ක් දවා ගත්තේය.
ඒ අනුව ජයසූරිය මෙම තරගයේදී ලකුණු 108කට කඩුලු 10ක් දවාගෙන තිබේ.
දෙරට අතර දෙවන ටෙස්ට් තරගය එළඹෙන 24 වනදා ගාල්ලේදී ආරම්භවීමට නියමිතය.
