කොළඹ තරුපන්තියේ හෝටලයක අරගලකරුවන් පිරිසක් පසුගිය කාලයේ බලහත්කාරයෙන් රැඳ සිටීමක් සම්බන්ධයෙන් ලැබී ඇති තොරතුරක් ගැන බුද්ධි අංශයේ සහාය ඇතිව පොලිස් විමර්ශනයක් ආරම්භ වී තිබේ.
අදාළ හෝටලයේ කළමනාකාරීත්වයෙන් ඒ ගැන පොලිස් කණ්ඩායමක් කිහිප විටකම විමසා ඇතත් ඒ අය ඒ සම්බන්ධයෙන් නිසි තොරතුරු ලබා නොදුන් බව උසස් පොලිස් පොලිස් නිලධාරියෙක් පැවසීය. අරගලකරුවන් පිරිසක් අදාළ තරුපන්තියේ හෝටලයේ කාමර තුනක රැඳ සිටි බවත් ඒ පිළිපඳ බුද්ධි අංශයේ ද සහාය ඇතිව පරීක්ෂණ පැවැත්වෙන බව එම නිලධාරියා සඳහන් කළේය. අදාළ හෝටලයේ කළමනාකරුවන් කිසිවක් ප්රකාශ නොකරනුයේ ඇතැම් විට ඔවුන්ට කරදරයක් වේවි යැයි ඇති බිය නිසා වන්නට ඇතැයි ද එම නිලධාරියා පැවසීය. මේ සම්බන්ධයෙන් පොලීසිය නිසි තොරතුරු සොයා බැලීමකින් පසු හෝටලයේ ආරක්ෂක කැමරා පද්ධතියද පරීක්ෂාකර වැඩිදුර විමර්ශන සිදු කිරීමට පියවර ගන්නා බව එම නිලධාරියා වැඩිදුරටත් පැවසීය.