32 C
Colombo
සෙනසුරාදා, අප්‍රේල් 13, 2024

කොළඹ කොටස් වෙළෙඳපොළ ඒකක 152 කින් ඉහළට

Must read

අද (08) දිනයේ කොළඹ කොටස් වෙළඳපොළ ගනුදෙනු අවසානයේ සියලු කොටස් මිල දර්ශකය ඒකක 152.05 (1.61% ) කින් ඉහළ ගොස් ඒකක 9,599.32 ලෙසින් වාර්තා විය.

මේ අතර S&P SL20 දර්ශකය ඒකක 51.06 කින් හෙවත් 1.69% කින් ඉහළ ගොස් දිනයේ ගනුදෙනු අවසානයේ දී ඒකක 3,069.03 ක් ලෙසින් දැක්වුණි.

අද දින සමස්ත ගනුදෙනු පිරිවැටුම රු. බිලියන 4.95 ක් ලෙසින් සටහන් විය. එහිදී රු. බිලියන 4.11 ක් දේශීය මිල දී ගැනීම් ලෙසත්, රු. බිලියන 4.51 ක් දේශීය විකිණුම් ලෙසත් වාර්තා වූ අතර රු. මිලියන 839.78 ක් විදේශීය මිල දී ගැනීම් හා රු. මිලියන 439.94 ක් විදේශීය විකිණුම් ලෙසින් වාර්තා විය.

මේ අනුව අද දිනයේ දී රු. මිලියන 399.84 ක ශුද්ධ විදේශීය මිල දී ගැනීම් ප්‍රමාණයක් වාර්තා වී ඇති අතර ඊයේ දිනයේ දී රු. බිලියන 2.29 ක ශුද්ධ විදේශීය මිල දී ගැනීම් ප්‍රමාණයක් සටහන්ව තිබුණි.

දිනය තුළ සියලු කොටස් මිල දර්ශකයේ ඉහළ යාම සඳහා සමාගම් 133 ක් ධනාත්මක දායකත්වයක් ලබා දී තිබූ අතර රිචඩ් පීරිස් සහ සමාගම, රෝයල් සෙරමික්ස් ලංකා, එක්ස්පෝ ලංකා හෝල්ඩිංග්ස් සහ සිලෝන් කෝල්ඩ් ස්ටෝර්ස් යන සමාගම් මෙලෙස සියලු කොටස් මිල දර්ශකයේ වර්ධනයට ඉහළ දායකත්වයක් ලබා දුන් සමාගම් අතර කැපී පෙනුනි.

More articles

Latest article