28 C
Colombo
බ්‍රහස්පතින්දා, සැප්තැම්බර් 29, 2022

ආනයන සීමා තාවකාලිකයි – මහ බැංකු අධිපති

Must read

මේ මොහොතේ රටක් වශයෙන් අපට ඇති සීමිත සම්පත් ප්‍රමාණය වඩාත් කාර්යක්ෂම සහ වඩාත් ප්‍රයෝජනවත් අයුරින් භාවිතා කිරීම ඉතාමත් වැදගත් වන බව මහ බැංකු අධිපති ආචාර්ය නන්දලාල් වීරසිංහ මහතා පවසා සිටියි. විදේශ සේවා නියුක්ති කාර්යාංශයේ පැවති උත්සව අවස්ථාවකට එක්වෙමින් අධිපතිවරයා මේ බව පැවසීය.

මේ අවස්ථාවේ ඇතැම් අත්‍යාවශ්‍ය නොවන භාණ්ඩ වර්ග කිහිපයක් ආනයනය තහනම් කර ඇති බවත් එමඟින් ඇතැම් ව්‍යාපාර සදහා කිසියම් බලපෑමක් සිඳුව තිබුන ද එය තාවකාලික බවත් මහ බැංකු අධිපතිවරයා වැඩිදුරටත් පවසා සිටියේය.

“මේ වෙලාවේ විදිහට අපි රටක් වශයෙන් කරන්න ඕන ලැබෙන සීමීත විදේශ විනිමය ප්‍රමාණය අපි පාවිච්චි කරන්නේ තෙල් ටික, බෙහෙත් ටික, ගෑස් ටික ගේන්නද, එහෙම නැත්තන් ටෙලිෆෝන් එක්ක ගන්නවාද, මෝටර්රථයක් ගන්නවාද, ටෙලිවිෂන් එකක් ඕනද, අඩු ගානේ ෆ්‍රිජ් එකක් ඕනද, ඒ වගේ දේවල් යම්කිස් ආකාරයකට කල් දාන්න පුළුවන්. ඒ මුදල වෙනුවට ඒ මුදල් එනවනම් අත්‍යාවශ්‍ය දේවල්වලට එතකොට ජනතාවට එය විශාල වශයෙන් පහසුවක්, විශේෂයෙන් මේ වගේ අවස්ථාවක. ඒකට එක හේතුවක් පහුගිය කාලේ මුදල් අමාත්‍යාංශය මඟින් අත්‍යාවශ්‍ය නොවන, ප්‍රමුඛත්වයක් නොදෙන දේවල් යම් කිසි ආකාරයකට තහනමක් කරලා තියෙනවා. ඇත්තෙන්ම මේවා තාවකාලිකව කරන දේවල්. මේ නිසා යම් කිසි ආකාරයකට ඇමතිතුමත් කතා කරා යම් කිසි ව්‍යාපාරවලට මේ නිසා යම් කිසි බලපෑම් සිද්ධ වෙනවා. ඒක ඇත්තටම නොදැන නෙවෙයි ඒ දේවල් කරලා තියෙන්නේ. නමුත් මේ වෙලාවේ තියන සීමිත සම්පත් ප්‍රමාණය වඩාත් කාර්යක්ෂම සහ වඩාත් ප්‍රයෝජනවත් විදිහට භාවිතා කිරීම තමයි ඉතාම වැදගත් වෙන්නේ. ඒ තත්ත්වය සමනය වුනාට පස්සේ ක්‍රමානුකූලව මේවා ඉවත් කළාම යම් කිසි ආකාරයක සීමා අයින් කරන්නත් පුළුවන්.”

More articles

Latest article