30 C
Colombo
බදාදා, අප්‍රේල් 17, 2024

ආචාර්ය නන්දලාල් ඉවත් කිරීමට අවශ්‍ය නම් ඔහු වෙනුවෙන් මම ගෙදර යන්නම් – අමාත්‍ය අලි සබ්රි

Must read

ශ්‍රී ලංකා මහ බැංකුවේ අධිපති ආචාර්ය නන්දලාල් වීරසිංහ මහතා ඉවත් කිරීමට අවශ්‍ය නම් ඔහු වෙනුවෙන් තමා ඉවත්වීමට සූදානම් බව විදේශ කටයුතු අමාත්‍ය අමාත්‍ය ජනාධිපති නීතිඥ අලි සබ්රි මහතා පාර්ලිමේන්තුවේදී අද (2) පැවසීය.

ඔහු ඉවත් නොකළ යුතු බවද අමාත්‍යවරයා සඳහන් කළේය.

අලි සබ්රි මහතා මෙසේ පැවසූවේ අයවැය විසර්ජන පනත් කෙටුම්පත පිළිබඳ දෙවැනි වර කියවීමේ විවාදයේදීය.

මහ බැංකු අධිපතිවරයා පස්සේ පැන්නීමෙන් වළකින්නැයි තමා සියලු දෙනාගෙන් ඉල්ලීමක් කරන බව පැවසූ විදේශ කටයුතු අමාත්‍යවරයා ඔහු කියූ දේ ඉටු කළ පුද්ගලයකු බවද ප්‍රකාශ කළේය.

මෙය හොඳ අය වැයක් බවත් රට ගොඩනැගීමේ පළමු පියවර මින් තැබූ බවත් හෙතෙම සඳහන් කළේය.

අයවැය යෝජනා ක්‍රියාත්මක කිරීමට සහාය දෙන ලෙස සියලූ පාර්ශවවලින් ඉල්ලීමක් කරන බවද අලි සබ්රි මහතා පැවසීය.

ශ්‍රී ලංකාව ණය නොගෙවීම පිළිබඳ අසාදු ලේඛනයට ගොස් ඇති හෙයින් රටට අද කිසිවකුත් ණය ලබා නොදෙන බව පැවසූ විදේශ කටයුතු අමාත්‍යවරයා රටේ ආර්ථික අර්බුදය අද ඊයේ සිදුවූ දේ වල ප්‍රතිඵලයක් නොවේ යැයිද ප්‍රකාශ කළේය.

More articles

Latest article