අද වන විට ජාත්‍යන්තරයේ පවා පතළ ශ්‍රී ලාංකේය හෑන්ඩ්ලූම් සන්නාමයක් වන Selyn හි නිර්මාතෘ සහ සභාපතිනි, සැන්ඩ්‍රා වඳුරාගල මහත්මිය, ජාත්‍යන්තර Forbes සඟරාව විසින් ඇගයීමට ලක්කර තිබේ.
Forbes විසින් ඔවුන්ගේ Forbes Asia 50 over 50 list හෙවත් Forbes ආසියා වයස 50ට වැඩි කාන්තාවන් 50 දෙනා අතරට සැන්ඩ්‍රා වඳුරාගල මහත්මියගේ නමද එක් කර ඇත.
Forbes Asia 50 over 50 list මගින් ආසියා ශාන්තිකර කලාපයේ සිය කර්මාන්ත අංශවල ඉහළම තලයන්ට පැමිණි වයස අවුරුදු 50 ට වැඩි කාන්තාවන් 50 දෙනෙකු නම්කරනු ලබයි. එය කලාපයේ මීළඟ පරම්පරාවට දිරිදීමක් මෙන්ම ආදර්ශයක් ද සපයනු ඇත.
මෙම ලැයිස්තුවෙහි පිළිගැනීමට පාත්‍ර වූ එකම එකම ශ්‍රී ලාංකික කාන්තා ව්‍යවසායිකාව සැන්ඩ්‍රා වන අතර ශ්‍රී ලාංකේය අත්යන්ත්ර සහ අත්කම් කර්මාන්තයේ කරන ලද සේවය වෙනුවෙන් ගෝලීය වශයෙන් පිළිගැනීමට ලක් වූ ශ්‍රී ලාංකිකයන් අතළොස්සෙන් කෙනෙකි.
සැන්ඩ්‍රා වඳුරාගල මහත්මිය විසින් 1991 දී සිය නිවසේ ගරාජයක් තුළ 15 දෙනෙකු සමඟින් ආරම්භ කරන ලද Selyn අද වන විට රෙදි විවීමේ ශිල්පීන් ඇතුළු දහසකට අධික ප්‍රමාණයකින් සවිබලගැන්වූ ජාත්‍යන්තර තලයේ ව්‍යාපාරයකි.
Selyn යනු ශ්‍රී ලංකාවේ Fair trade සහතිකය ලත් එකම අත්යන්ත්ර රෙදිපිළි සමාගම ද වේ.
වෘත්තියෙන් නීතිඥවරියක වන සැන්ඩ්‍රා වඳුරාගල මහත්මිය කුරුණෑගල Royal International School හි සම-නිර්මාතෘවරිය ද වේ.
