25.4 C
Colombo
ඉරිදා, නොවැම්බර් 27, 2022

ශ්‍රී ලංකාවේ ජනතාවගේ මූලික අවශ්‍යතා සැපිරීමට මූල්‍ය පාර්ශ්වකරුවන් සහාය විය යුතුයි – හියුමන් රයිට්ස් වොච්

Must read

ජනාධිපතිවරයා (23) පාර්ලිමේන්තුවේදී කළ ප්‍රකාශය සම්බන්ධයෙන් හියුමන් රයිට්ස් වොච් ආයතනය (24) නිවේදනයක් නිකුත් කළේය.

සාමකාමී විරෝධතා මර්දනයට සහ ක්‍රියාකාරීන් අත්අඩංගුවට ගැනීම සඳහා ත්‍රස්තවාදය වැළැක්වීමේ පනත යොදාගන්නා බවත් තවත් අරගලයක් ඇතිවීම වැළැක්වීම සඳහා හදිසි නීතිය පැනවීමට සහ හමුදා යෙදවීමට කටයුතු කරන බවට ජනාධිපති රනිල් වික්‍රමසිංහ මහතා කළ ප්‍රකාශය තම අවධානයට ලක්වූ බව හියුමන් රයිට්ස් වොච් පවසයි.

දැඩි ආර්ථික අර්බුදයකට මුහුණදෙන ශ්‍රී ලංකාවේ ජනතාවගේ මූලික අවශ්‍යතා සැපිරීමට මෙරට මූල්‍ය පාර්ශ්වකරුවන් සහාය විය යුතු බවත් ඔවුන්ගේ අයිතීන් ප්‍රවර්ධනයට කටයුතු කළ යුතු බවත් හියුමන් රයිට්ස් වොච් ආයතනය පවසයි.

හියුමන් රයිට්ස් වොච් අවධාරණය කර ඇත්තේ අමෙරිකා එක්සත් ජනපදය සහ යුරෝපා සංගමය ඇතුළු ශ්‍රී ලංකාවේ ජාත්‍යන්තර පාර්ශ්වකරුවන් මෙරට අර්බුදයට විසඳුම් සෙවීමේදී මානව හිමිකම් වගකීම් සපුරාලන ලෙස රජයට බලකළ යුතු බවය.

More articles

Latest article